LITURGI IBADAH PERAYAN NATAL
Gereja Injili Karo Indonesia (GIKI)
Jemaat Medan: Senin, 9 Desember 2013
Th�ma: �Si ngaloken Tuhan Yesus; ndatken kuasa si mbelin�
(Yohanes 1 : 12)
Sub-th�ma: �Arah ketubuhen Y�sus, erbahan maka kita reh pangna ngakuken kinitekenta, sabab kuasa si mbelin enggo kap i ber�kenNa man banta.�
I. PENDILO GUNA ERBAKTI/IBADAH MAN TUHAN
1. Persikapen: (Pend�ta/Pengkhotbah/Kerina serayan Tuhan si hadir)
2. Ngalo-ngalo kerina Serayan Tuhan:
Mehamatlah nandangi Tuhan Y�sus sangana kita lit ibas rumahNa si Badia.
Peteruk ukurta, siendesken pusuh perat�nta ku Ia.
Ola gejek, ola erbahan keributen, ras ola erbahan kai p� si la ngena at�Na.
Rend�: �B��ken Pasu-pasu-Ndu�
Senang ukurku perb�an Y�sus Tuhanku Si �ngkawali aku
Temani aku o, Y�sus Tuhanku. B�r�ken pasu-pasuNdu
O, Tuhan kawali geluhku. B�r�ken pasu-pasuNdu
O, Bapa temani geluhku. B�r�ken pasu-pasuNdu
�Ndi ras Kam o, Tuhanku senang geluhku
�Ndi ras Kam o, Yesusku tenang tendingku
(Penyembahan: Dikondisikan. Jika belum memungkinkan/konsentrasi jemaat yang hadir belum fokus untuk beribadah, ada baiknya wl/mc mengajak jemaat untuk lebih memfokuskan diri dengan membawa beberapa lagu pujian sebelum masuk ke penyambahan)
II. IBADAH
1. Pertoton mbenai Ibadah(Liturgos/Pendeta)
[�]
Tuhan Yesus Raja Ger�ja, si enggo ngaloken perpulungen genduari i bas ingan �nda.
Mari dag� sipesikap kula, ukur, ras tendinta ngaloken kemalemen si rehna ibas Ia nari�.
(Liturgos mengajak jemaat: �mari kita kerina kalak si tek, sikataken: Amin.)
Rend�: �Kau Sungguh Indah Tiada Taranya�
Kau sungguh indah tiada taranya sungguh mengagumkan
Sungguh ajaib tuk di mengerti lebih dari semua yang ada
Hikmat-Mu tiada terselami kasih-Mu dalam tak terduga
Kau sungguh indah tiada taranya mulia dan berkuasa
Ku kagum hormat akan Engkau
Ku kagum hormat akan Engkau
Kau Allah yang layak di puji ku kagum akan Engkau
2. Liturgi Kerna Erbag�-bag� Keadan (Situasional)
a. Dibata kap Si Pemena arah kerina sinasa lit-na.
Dibata kap Si Pemena arah kerina sinasa litna! Bena-benana, ijadiken Dibata langit ras doni. Doni lum� denga, dingen la lit tempasna. Lawit si mbelang ergelumbang itutupi gelap mesangat, janah Kesah Dibata kelaling-kelaling i babo lau siengkuasaisa. Bag� me Dibata njadiken langit ras doni jin�.
Terang si ersinalsal tuhu mejil�. �maka isirangken Dibata ka me terang ndai arah gelap nari. I gelariNa me �terang� ndai �Suari� ras gelap ndai �Berngi�.
Ijadiken Dibata ka awang-awang gelah ratur ka doni sini �nggo itepana ndub�; guna nirangken lau sini lit i datas ras lau sini lit i teruh gelah ola ersada. Tuhu ibas wari peduaken itepa Dibata awang-awang ndai ras i gelarina � �Langit�. �maka ben wari, jenari siangka.
Ibas wari peteluken Dibata mulihi erbahan si mehuli nandangi doni �nda, reh nina Dibata: �Ersadalah Kerina lau sini lit i teruh langit ibas sada ingan, gelah lit teridah taneh kerah. Jadi me kai sini sura-suraken Dibata �. Janah igelariNa kerah ndai salu �Daraten� ras lau sini enggo ersada ndai �Lawit�. I idah Dibata maka kai sini jadiken-Na � tuhu-tuhu mehuli, maka nina Dibata ka: �Turahlah ibas taneh nari kerina sinuan-sinuan, � me dukut-dukut sierbuah, kayu si erbuah sini lit sinuanna ibas buahna nari,� �maka jadi me bagi sini i sura-suraken Dibata.
Ijadiken Dibata ka matawari, bulan, ras bintang; maka enggo banci sinanami kerna tanda-tanda pemula wari, bulan, tahun bag� p� musim. I idah Dibata sijadikenNa � tuhu-tuhu mehuli, jadi me �nda ibas wari peempatken.
Kenca �, mulihi Dibata ngerana salu dum kuasaNa, Nina: �Lit lah erbag�-bag� macam si nggeluh ndemi lau ras erbag�-bag� macam perik sini ndemi awang-awang.� Maka jenari ijadikeNa me rubia-rubia subuk si nggelu di daraten, lawit, bag� p� bas awang-awang. Meriah ukur Dibata dum salu kemulian ngidah kerina si jadikenNa � tuhu-tuhu mehuli kap. si�nda jadi ibas wari pelimaken.
La erngadi-ngadi Dibata nepa kerina simehuli. Seh bas wari peenemken ijadikenNa me Manusia si sentudu ras tempasNa jin�, simenam seri ras Ia; guna engkuasai kerina sienggo i tepaNa ndub�.
Jenari maka ngadi me ia nepa ibas wari pepituken sini seh asa genduari sitandai salu wari Sabat, em wari ija Dibata ngadi nepa, maka iprentahkenna kerina singiani doni muji-muji Ia ibas wari sabat-Na si Badia �. Oh, andiko tuhu-tuhu mehuli dingen mejil� kerina tinepa Dibata �.
(WL/MC: �Rend�lah muji TUHAN, si mer�ntah i Sion! Turiken man bangsa-bangsa kai si enggo ilakokenNa� (Masmur 9:11))
Rend�: �Andiko Jil�na�
Andiko jilena tinepa Dibatanta subuk pertibi enda ras isina Kerina
Deleng meratah, kerangen, perik-perik rende kabangen
Andiko jilena seh kel kap ulina.
Andiko hulina si �nggo itepaNa jine
Terang dingen pe gelap; Wari, tahun, ras musim
Watawari si terang, bulan, � bintang ersinalsal
Andiko jilena �ndiko sehkel ulina
Emaka tanggar-tanggar me kita jelma Kerina
Ola melantar, ola meturdaksa
Lit tenah kata pedah Dibatanta man banta:
Jaga kelengi k�rina tinepaNa.
b. Op� lenga ndabuh ku bas dosa
Ipasu-pasu Dibata me Manusia sini ijadikenNa sentudu ras tempasNa jin� salu mber�ken kuasa ras kemulian; ras i tamakenNa me manusia ndai ibas sada ingan sisenang �m kap Peken �d�n.
Kenca bag�, nina ka TUHAN Dibata, �La mehuli adi manusia � nggeluh sisada-sisada. Ku bahanlah teman si cocok man bana, guna manpati ia.� Maka ibuatNa sada tulan rang-rang manusia ndai sangana ia tunduh, jenari itutupiNa salu jukut ras iber�kenNa kesah kegeluhen. Jadi me sekalak diberu ibas tulan rang-rang � nari.
Ikataken �Diberu� gelarna, sabab ia ibuat i bas dilaki nari. �m sababna dilaki nadingken nand� � bapanan gelah ersada ia ras ndeharana, maka ia duana engo jadi sada.
c. Manusia ndabuh ku bas dosa
Paksa Diberu si enggo ijadiken Dibata arah tulan rang-rang manusia ndai erdalin sisada i Peken �d�n, reh me si iblis ibas rupa nip�, iajuk-ajukna si Diberu � gelah manken buah batang kayu si lit i tengah-tengah peken �, si ilarang Dibata ndub�. Entabeh ras mejil� kel tuhu rupa buah kayu �, maka kerina si ngidahsa merhat �ncubasa, bag� p� Diberu ndai, maka ipanna buah batang kayu pemeteh si ngajarken si bujur ras si jahat, j� nari i ber�kenna man perbulangenna, maka ipan perbulangenna ka me buah �. Erbahansa tuhu-tuhu Dibata ernembeh at�, sebab manusia �nggo ngelanggar per�ntahNa.
Kegeluhen si senang �nggo i sikapken Dibata ndub� nandangi manusia, tapi dosa erbahansa Dibata erciga at� nandangi tinepa si sentudu ras tempasNa ndub�. Ipelawes Dibata me Manusia ndai arah Peken �d�n, j� nari seh asa genduari kesusahen dingen kiniseran sitetap jadi asam geluh manusia � erkiteken �nggo ndabuh ku bas kelbung dosa.
Ertambah-tambah Manusia ndai, maka dosa p� ertambah-tambah ka erbag�na. Kesusahen dingen kiniseran kep� la erbahan maka manusia ndai jera arah dosa. Pedah-pedah Dibata lanai diat� manusia ndai, �nggo lepak tuhu perdalinna. Lanai ia mbiar man Tuhan Dibatana, janah lanai ia sikeleng-kelengen bagi sini enggo iajarken Tuhan ndub�.
Ngayaki erta, kinibayaken, ras Kerina kesenangen doni, tuhu-tuhu jelma ndai �nggo ndauh arah dalin Tuhan; ndabuh ku bas dosa simesangat, maka labo kesenangen sini dat manusia �, tapi kini seran erkiteken dosa.
(Si ngog�ken liturgi b. Op� lenga ndabuh ku bas dosa ras c. Manusia ndabuh ku bas dosa sekalin ku leb� mbacakensa.)
Rende: �Perbahan Dosa�
Perbahan dosa �nggo mekeleksa ibabo doni ban manusi
Maka Dibata p� �nggo ngukumsa kini seran �ndub� ibr�Na
O, Tuhanku; Kam kap me Rajaku ku tinggelken pendiloNdu
Gelahna aku bag� p� bangsaku la reh mbagesna ku bas dosa
Perbahan dosa �nggo seh kelekna, maka geluhta seh suina
Kai p� sibahan bas doni �nda kerina murd� la erturin
O, Tuhanku alemi min kami gelahna kami p� terkelin
AmpuniNdu min salah lepakku. B�r�ken me dag� pasu-pasu.
Ukur si picet ras p� meserg�; Si tep-tep wari bas geluhta
Ia ng� ngenca si pejoresa, maka dag� sidahi Ia
O, Manusia si nggeluh bas dosa ota min dag� dahi Ia
Akukenlah salah ras l�pakta gelah i b�r�Na kemalemen
d. Padan Dibata kerna keselamaten nandangi Manusia
Gia tuhu-tuhu dosa enggo engkuasai kegeluhen Manusia ndai. Tapi keleng at� Tuhan kep� la erngadi-ngadi kempak Manusia �.
At� Dibata, maka Manusia si enggo ndabuh ku bas dosa mulihi ku bas dalin si payo singena at�-Na. Maka erpadan m� Dibata lako mer�ken keselamaten man Manusia. Tapi, la erngadi-ngadi Manusia � erbahan dosa, sini erbahansa maka lanai mungkin Manusia ndai ngasep mulahi dirina arah siding dosa nari erkit�ken enggo tuhu mesangat. Tapi, padan Dibata kerna keselamaten � igenapi ng�, tapi, ise nge dag� si ngasep nggenapisa?
e. Ketubuhen Yesus
Genduari padan ndai enggo igenapi, bagi sini ijanjiken Dibata ndube ras si inubuatken nabi-nabi. Yesus ng� ngenca keselamaten �. Dosa si mesangat erbahansa maka Manusia labo ngasep mulahi dirina arah siding dosa nari. Maka, padan Dibata kerna nelamatken Manusia � Tuhan Yesus kap ngenca si ngasep nggenapisa salu peteruk dirina nusur ku doni tubuh erkelangken sekalak singuda-nguda nari tergelar si Maria ibas pelangkah i karang asuh-asuhen i bas sada kuta melenget dingen mesuni em Bethlehem i kuta Yedea.
Rend�: �Hai Kota Mungil Betlehem"
Hai kota mungil Betlehem, betapa kau senyap
Bintang di Langit cemerlang, sewaktu kau lelap
Namun di lorong glap-mu, terpancar t'rang kekal
Harapan sepanjang Masa, terjadilah sekarang.
Bayi Kudus telah lahir, malaikat bersorak,
Meski dunia sedang lelap, Malaikat menjaga.
Hai, bintang-bintang Fajar, puji dan sembahlah!
Juru selamta t�lah lahir, damai sejahtera.
Rend�: �Mari Surak Muji Tuhan�
Mari surak muji Tuhan endesken end�n-end�n si meriah
O, Surga doni ersurak k�rina
Mari dag� puji Ia salu ukur ras tendinta
Puji gelarNa si Badia
O, mari surak rend� ras ermazmur puji gelarNa si Badia
La erngadi-ngadi ku puji Kam Tuhan
Pujilah Tuhan si Erkuasa
f. Keselamaten � �nggo seh man kalak Karo
Ketubuhen Y�sus labo saja nelamatken kita Manusia arah dosa nari, tapi si t�k dingen nggit ngaloken Ia, iber�kenNa kap Kuasa si Mbelin.
Seribu Waluh Ratus Siwahpuluh(1890) tahun kenca ketubuhen Y�sus, berita Si Meriah kerna padan keselamaten si rehna arah Dibata nandangi Manusia �nggo kap seh ku tengah-tengahta Rakyat Karo Sirulo �. Erkelang-kelangken suruh-suruhen-Na, berita Si Meriah si bena-benana i pesehken man kalak Karo i sada kuta sikitik dingen melenget, �m kap: i kuta Buluh Awar Simalem.
Rend�/Solo: � Buluh Awar Simalem �
Tuhu kitik kel kam jin� arah kerina kuta i doni �nda
Tuhu-tuhu menda seh kel lengetna o, Buluh Awar kuta simalem
�maka ola aru at�ndu, sebab kam si pilih Dibata
Salu nua palas pedah kataNa,
Man k�rina rakyat Karo sirulo,
Man k�rina rakyat Karo sirulo.
Pasarna licin, erembang, -- erbatu-batu
Mbentasi kerangen rimba raya.
Bag� me ndub� serana me kap perdalin
Simbaba Berita Si Meriah
O, Buluh Awar j�m� jadi pemena
i tetapken Yesus Tuhan mbarken b�ritaNa.
Labo erkiteken kam ndub� si mbelinna,
tapi p�rat�n Dibata la kap terolangi,
kai si nggo jadikenNa �m me si mehuli
Mejuah-juah o, Buluh Awar kuta simalem
Mejuah-juah. Mejuah-juah Karo Sirulo
Mejuah-juah Merga Silima
Mejuah-juah kita Kerina. Mejuah-juah kita Kerina.
3. Liturgi Erbag�-bag� Pendahin(Profesi)
- Perjuma-juma(Petani)
Paksa surutna matawari, dingen langit p� erdire-dire muat ku gelapna, ij� makana kami mulih juma nari. Megati me kami ipergelari �si mulih karaben.� Dahin kami, �m kap i juma ras i sabah, muan-nuan kerina sinuan sierguna man kegeluhen. Pag�, gadung, gul�n-gul�n, cina, rimo seh p� ku nurung bag� p� manuk, lembu, kambing, ras sidebanna niasuh kami guna �ncukupi kegeluhen kami bag� p� guna jelma sinterem. Latih dingen mesera tuhu, megati ka sinuan � bayungen ras lali regana, tapi, adi la dahiken kami uga kami banci �ncukupi kegeluhen kami? Ras, ugaka jelma sinterem � ndatken kai si perlukenna man panganna? �maka amin mbu� gia perb�b�n ibas pendahin kami �nda, tetap ilakoken kami salu tutus ras ukur payo, maka Tuhan Si Masu-masu Kerina pendahin, kegeluhen, ras isi jabu kami.
- Perbinaga(Pedagang)
Lenga terang p� wari � �nggo ka kami seh i Tiga. Mbergeh entah p� melas. Udan dingen lasna matawari labo la igejab kami. Guna ngelitken barang-barang sini iperluken jelma sinterem, piah anak-anak i rumah p� megati lanai kami jumpa. Tapi si�nda Kerina ilakoken kami salu tutus ras meriah ukur, dingen erpengarapen sebab Tuhan kap Si Masu-masu ras sinjagai kami kerina.
- Supir
Kami supir. Tiap wari dahin kami �m kap mbaba kendaran guna naruhken penumpang ku ingan tujunna. Amin kitik penghasilen dingen seh kel latihna, la kami monc� gelah kerina min penumpang �nda ola cengkal perdalinna ras seh ku ingan tujunna tepat waktu ras selamat. Melala tuhu perb�b�n ras pencuban siihadapi ibas dalin si kadang pinter ras la jarang meluk-eluk. Megati ka nge lalit sewa ras la ka jarang kurang ka nge setoren. Latih dingen mesera tuhu, tapi sienda kerina ilakoken guna ncukupi kegeluhen keluarga i rumah ras ncukupi kerna kebutuhen persekolahen anak-anak. O, Tuhan pasu-pasuNdu min pendahin kami ras kawaliNdu min kami ngalur-ngaluri pasar singgedang enda, subuk bas dalin pinter, erembang, bagepe dalin si meluk-eluk gelah ola kiniteken kami �nda p� ikut meluk-eluk. Puji Tuhan, pasu-pasuNdu pendahin kami ras kerina isi jabu kami.
- Pegawai pemerintahen/PNS/TNI/POLRI, dll
Kami erdahin bas pemerintahen. Kami erdahin man Negara enda. Kami erdahin guna ndalanken pendahin-pendahin siperluken kerina masyarakat, maka megati ka kami ipergelari abdi Negara, abdi masyarakat. Tapi, megati tuhu la ilakoken kami pendahin kami �nda bagi sini arusna, maka ibas sienda kerina kami mindo maaf ras mindo ampun man Dibata gelah j�nda nari ku leb� kami banci tuhu-tuhu jadi abdi Negara ras pelayan masyarakat situhu-tuhu, gelah arah Kerina silakoken kami p� tuhu-tuhu encidahken kerna kemulian Tuhan. O, Bapa ajriNdu min kami ndalinken Kerina pendahin kami �nda, gelah arah kai p� silakoken kami, tuhu-tuhu gelarNdu ipebadia.
- Tokoh Agama
- Pelajar
Kami anak singuda denga. Melala tuhu tantangen ibas paksa nguda denga, ras ku leb� p� reh bu�na ka nge tantangen. Maka tutus kel at� kami erlajar, gelah ku leb� kegeluhken kami p� tambah-tambah salu pemeteh si rehna arah Tuhan nari. Tuhan Yesus ajariNdu min kami gelah kami jadi sekalak pelajar si atan igelari anak-anakNdu ras ipasu-pasuNdu ka pendahin orang tua kami gelah reh ngasupna ka ia �ncukupi kerna keperlun kami.
(Kerina si mbaca liturgi: "O, Tuhan. Ajari kami ibas ndalinken Kerina pendahin kami, gelah kai p� sini lakoken kami, tuhu-tuhu gelarNdu ipebadiaken. A m i n .")
4. Persembahan Pujian: GIKI�..
5. Pemasangen Lilin Natal
(Liturgos/Pend�ta: " Engo sibegiken berita kerna ketubuhen Yesus Kristus. Tek kita maka Tuhan Yesus tuhu-tuhu anak Dibata Si Tonggal si enggo �nggit peteruk dirina tubuh i bas pelangkah i karang asuh-asuhen guna nebus dosanta manusia. Ia bagi lilin gara sini pediat diriNa meseng gelah banci nerangi kerina sini lit i sekelewetna. KetubuhenNa labo saja enggo nelamatken kita arah siding dosa nari, tapi kuasa si mbelin iber�kenNa kap man kalak si tek ras nggit ngaloken Ia ibas geluhna seh asa paksana pepagi Ia reh pedua kaliken guna ngalo-ngalo kita guna bengket ku Rumah-Na si Badia. Seh m�nda paksana kita Pegara Lilin Natal, nginget-nginget kerna belinna pengorbanen Tuhanta Yesus jin� ras jadi tanda maka kita lanai nggeluh bas sigelap, sebab terang � �nggo kap seh ku tengah-tengahta mbereken man banta kuasa si mbelin guna ngelawan sigelap. Guna pegara lilin, iundang kami ku leb�: " )
- Pengkhotbah/Pendeta Jemaat GIKI Medan(Pdt. Brahmana)
- Panitia Natal/Majelis Pengerja GIKI Medan (Bp. Dody)
- Persekutuan GIKI Patumbak (Ev. Arnem Tarigan)
- Mewakili GIKI se-Sumut/Indonesia (Pdt. Sembiring)
- Mewakili Jemaat
- Komisi Sekolah Minggu (Caterine)
- Mewakili Komisi Ibu (Nd. Ina)
- Mewakili Komisi Bapak(Roy Gurukinayan)
- Komisi Musik dan Pemuda(Bastanta P. Sembiring)
- Gereja tetangga (GBKP, dlsb)
Rend�: �Malam Kudus� (Sangana pemasangen lilin)
Malam Kudus, sunyi senyap, bintang-Mu gemerlap
Juruselamat Manusia ada datang di dunia
Kristus anak Daud 2X
Anak Kecil, Anak Kudus, Tuhanku Penebus
Ten�tra surga bernyanyi merdu bawa kabar kedatangan-Mu
Kristus Anak Daud 2X
Malam Kudus, sunyi senyap bintang-Mu gemerlap
Aku datang ya Tuhanku, bersembahyang di kandang-Mu
Dan menucap syukur 2X
6. Persembahen Pujin arah Serayan Tuhan i GIKI Medan:
7. Rend� untuk khotbah/Firman Tuhan:
�Setiap Janji-Mu Tuhan�
Setiap janji-Mu Tuhan kusimpan dalam lubuk hatiku
Lewati setiap masalah tiap tetes airmata dalam hidupku
Janji-Mu menopang hidupku; kasihMu menuntun langkahku
dalam setiap waktu
Penolongku yang aku percaya
Trima kasih buat kasih setia-Mu
Penyertaan-Mu sempurna
Janji-Mu tak pernah terlambat menolongku
Trima kasih ku bertrima kasih
Buat Kasih setia-Mu di dalam hidupku
8. Firman Tuhan (K h o t b a h .)
9. Pengakun Kiniteken Kalak Kristen:
(Pengkotbah: "Perpulungen si kelengi Tuhan iundang kami cinder. Marilah kita kerina kalak Kristen sebelang-belang doni �nda siakuken kini tekenta, ninta dag� ras-ras:" )
- Aku tek man Dibata Bapa Si la ersibar kuasaNa, Si nepa langit ras doni.
- Aku tek man Y�sus Kristus AnakNa Si Tonggal, Tuhanta, si jadi arah Kesah Si Badia, tubuh idus singudanguda nari si so keliamen, tergelar si Maria, si ngenanami keniseran paksa pemer�ntahen Pontius Pilatus, nipakuken ku kayu persilang, mat�, jenari ikuburken, nusur ku doni kemat�n, petelu wariken enggo k�k� i bas si mat� nari, nangkih ku Surga, perkundulNa arah kemuhen Dibata, jenari reh me Ia pepagi guna ngerananken si nggeluh ras si nggo mat�.
- Aku tek man Kesah Si Badia, janah lit sada Ger�ja Si Badia, persadan kalak si Badia, pengalemi dosa, kinik�k�n kula, ras kegeluhen si rasa lalap. A m i n.
10. Persembahen(Kolekt�)
(Imam Kecil/Pend�ta: "Genduari seh m�nda paksana sipepulung persembahenta bagi rudang-rudang si merim iadep-adepen Dibata. Kata Dibata kerna persembahen sini tertulis ibas: II Korintus 9 : 6 � 8 (+ Pertoton kerna persembahen)
Rend� sangana pepulung persembahen:
Babalah persembahen si merimna
kuadep-adepen Dibatanta.
Babalah kurban pujin si mehaga ku leb� altarNa si Badia.
G�lah tetap b�r�Na pasu-apsuNa man k�rina Manusia.
G�lah tetap b�r�Na pasu-pasuNa. Terpuji gelar Tuhan.
Babalah persembahenta man baNa
tanda lias keleng kap at�Na.
�Ndesken rikut lagu pujin ku Ia, jadi persembahen si Badia.
G�lah tetap b�r�Na keleng at�Na ras lias at�Na banta
�maka ernalem saja man baNa segedang-gedang geluhta.
11. Pertoton Syafaat
- Pertoton Tuhan:
O, Bapa kami si ni Surga, gelarNdu ipebadia min, reh min kinirajanNdu, seh lah min perat�nNdu ibas doni �nda bagi ni Surga. Ber�ken man kami nakan cukup ibas wari si sendah �nda. Alemi salah kami, bagi nialemi kami salah kalak empak kami. Ola min kami ibaba Kam kubas percuban, tapi olangilah kami idur si ilat nari; sabab Kam kap si mada Kinirajan, ras kuasa, ras kemulian sindekah-ndekahna. Amin.
12. Pemasu-masun:
(Perpulungen sini kelengi Tuhan, mulihlah alu damai ras mejuah-juah. Maka, angkatlah tanndu guna ngaloken pasu-pasu si rehna idur Dibata nari.
Perkuah at� Dibata Bapa, lias ras keleng at� Tuhanta Yesus Kristus, ras kerembaken Kesah Si Badia ras kam(kita) kerina gelah, genduari seh asa maranatha Tuhan Yesus Kristus reh pedua kaliken ku tengah-tengahta guna ngalo-ngalo kita. Amin.
Rend�:
Kami memuji kebesaran-Mu
Ajaib Tuhan. Ajaib Tuhan.
Kami memuji kebesaran-Mu
Ajaib Tuhan. Ajaib Tuhan.
13. Paksa teneng (saat teduh)
14. Rend� lagu-lagu Natal ras sisalam-salamen, tanda pendungi Ibadah Natal GIKI Medan 2013.
III. ACARA PERAYAN NATAL
Selamat Wari Natal (Desember 2013)
Ras
Ngalo-ngalo Tahun Simbaru (2014)
Mejuah-juah TUHAN YESUS Si Masu-masu
Post a Comment